Msingi imara katika Neno
Kuwa chuo kinachoandaa watumishi wa Mungu wenye msingi imara katika Neno la Mungu, tabia njema na uwezo wa ki-Mungu wa kubadilisha jamii.
MAFUNZO KWA AJILI YA HUDUMA
Aenon Faith Bible College (AFBC) – Dodoma Campus
Elimu ya Biblia yenye msingi wa imani ya Kipentekoste kwa wachungaji, watumishi na viongozi wa Kanisa.
KUHUSU CHUO
Aenon Faith Bible College (AFBC) – Dodoma Campus
Aenon Faith Bible College (AFBC), Dodoma Campus ni taasisi ya elimu ya Biblia inayolenga kuwaandaa wachungaji, watumishi na viongozi wa Kanisa kwa kuwapatia elimu ya Biblia yenye msingi wa imani ya Kipentekoste. Chuo kinaamini kwamba elimu ya Biblia ni msingi muhimu katika kumjenga mtumishi mwenye maarifa, uadilifu na uwezo wa kulitumikia Kanisa na jamii kwa ufanisi. AFBC ilianzishwa mwaka 2007 huko Mlali, na Kampasi ya Dodoma ilianzishwa Februari 2025.
ILIANZISHWA2007
KAMPASI YA DODOMAFebruari 2025
Mlali
KAMPASI YA DODOMAFebruari 2025
DIRA NA DHAMIRA
Kujengwa katika Neno na Kutumwa Kuhudumu
Elimu kwa ajili ya shamba la Bwana
Kuwa na watumishi wenye elimu ya Biblia na kuitumia ipasavyo shambani mwa Bwana.
PROGRAMU YA ELIMU
Diploma ya Thiolojia
Diploma ya Thiolojia. Masomo ya ziada yanajumuisha maarifa kwa ujumla na kozi ya awali ya lugha ya Kiingereza.
MFUMO WA MASOMO
Mihula 3 kwa mwaka
Chuo kina mihula mitatu (3) kwa mwaka. Kila muhula una wiki 10 za masomo, na kwa wastani mwanafunzi hufundishwa masomo 8 katika kila muhula. Udahili wa wanafunzi hufanyika mwezi Februari kila mwaka.
MSINGI WA CHUO
Elimu ya Biblia yenye mwelekeo wa Kipentekoste
Aenon Faith Bible College inasimama katika msingi wa elimu ya Biblia yenye mwelekeo wa Kipentekoste, ikiwa na lengo la kuwaandaa watumishi watakaoweza kulitafsiri na kulitumia Neno la Mungu kwa usahihi katika mazingira halisi ya huduma.
“Kuwa Mtumishi Bora Inawezekana.”KAULI MBIU YA CHUO
USAJILI
Taratibu za Kitaifa
Kwa sasa, taratibu za usajili wa Aenon Faith Bible College zinaendelea katika ngazi ya PHAMT Taifa. Mfumo wa usajili unatarajiwa kuwa wa kitaifa, ambapo vyuo vitafanya kazi kama matawi ya taasisi hiyo.
UDAHILI NA MAWASILIANO
Jiunge na AFBC Dodoma Campus
Udahili wa wanafunzi hufanyika mwezi Februari kila mwaka. Wasiliana na chuo kwa maelezo ya vigezo, ada na utaratibu wa kuomba.